काठमाडौं । ‘द काठमाडौं गलाम गला’ सौन्दर्य प्रतियोगिता २०८१ भव्य रूपमा सम्पन्न भएको छ। यो कार्यक्रम काठमाडौंको नाचघरमा डि.इ इभेन्सको आयोजनामा सम्पन्न भएको हो।
सौन्दर्य, प्रतिभा, र आत्मविश्वासलाई प्रोत्साहन गर्ने उद्देश्यले आयोजना गरिएको यस प्रतियोगितामा महिला तर्फ कविता घले र पुरुष तर्फ समिर बाबु साह विजेता घोषित भए। विजेताहरूले सम्मान सहित नगद रु. एक/एक लाख पुरस्कार प्राप्त गरे। त्यस्तै, अभि श्रेष्ठ र रेजिना थापा रनर अप भएका छन् भने आयोजकको रोजाइ (Organizer Choice)मा प्रकृति शर्मा र रोहन नगरकोटी चयन भएका छन्। यसैगरी, ‘फेस अफ द काठमाडौं गलाम गला’ को उपाधि सिम्रिका खत्रीले जितेकी छिन्।
कार्यक्रमले युवापुस्ताको आत्मविश्वास र प्रतिभालाई उजागर गर्न मद्दत गरेको आयोजकले जनाएको छ। विभिन्न प्रतिस्पर्धामार्फत सहभागीहरूले आफ्नो क्षमता प्रस्तुत गरेका थिए। आयोजकले यस प्रकारका कार्यक्रमले युवाहरूलाई थप अवसर सिर्जना गर्ने विश्वास व्यक्त गरेको छ।
