आज नेपाली सुनचाँदी बजारमा पहेँलो धातु (सुन)को मूल्य सामान्य बढेको छ। छापावाली सुन प्रतितोला ३०० रुपैयाँले बढेर १ लाख २ हजार ८०० रुपैयाँ कायम भएको नेपाल सुनचाँदी व्यवसायी महासंघले जनाएको छ।
सप्ताहको पहिलो दिन तेजाबी सुनको मूल्य प्रतितोला १ लाख २ हजार ३०० रुपैयाँ कायम भएको छ। यसअघि सुनको मूल्य तोलामा १०० रुपैयाँ घटेको थियो। शुक्रबार छापावाल सुन प्रतितोला १ लाख २ हजार ५०० र तेजाबी सुन प्रतितोला १ लाख २ हजार रुपैयाँमा कारोबार भएको थियो।
यस्तै चाँदीमा प्रतितोला १० रुपैयाँले बढेर आज १ हजार २७५ रुपैयाँमा कारोबार भइरहेको छ। यसअघि शुक्रबार चाँदी प्रतितोला १ हजार २६५ रुपैयाँमा किनबेच भएको थियो।
