काठमाडौँ – नेपालका परराष्ट्रमन्त्री आरजु राणा देउवाले इजरायली राजदूत समुलिक एरी बाससँग भेटेर हमासको नियन्त्रणमा रहेका नेपाली विद्यार्थी विपिन जोशीको रिहाइका लागि कूटनीतिक पहल गर्न आग्रह गरेकी छिन्।
भेटको प्रमुख उद्देश्य विपिन जोशीको अवस्थाबारे जानकारी लिनु र इजरायल सरकारसँग मिलेर उनलाई हमासको नियन्त्रणबाट मुक्त गराउने कूटनीतिक प्रयास गर्न थियो। मन्त्री राणाले भने, “हमासले हालै ३४ जना जनतालाई रिहा गर्ने समाचार सार्वजनिक गरेको छ। विपिन जोशीको रिहाइलाई विशेष प्राथमिकतामा राख्न आग्रह गर्दछु।”
इजरायली राजदूत समुलिक एरी बासले जानकारी दिँदै भने, “इजरायल सरकारले वृद्धवृद्धा, महिला, बालबालिका लगायत नाजुक अवस्थामा रहेका नागरिकहरूको रिहाइका लागि हमासलाई सूची पठाएको छ र पहिलो चरणमा ती व्यक्तिहरूलाई मुक्त गर्ने तयारी भइरहेको छ।”
यो घटनाको पृष्ठभूमिमा, २०२३ को अक्टोबर महिनामा हमास समूहले इजरायली भूमिमा आक्रमण गरी १० जना नेपालीसहित एक हजारभन्दा बढी व्यक्तिको हत्या गरेका थिए। तीमध्ये विपिन जोशी पनि अपहरण गरेर लैजानु भएको थियो।
नेपाल सरकारले विपिन जोशीको रिहाइका लागि संयुक्त राष्ट्रसंघ, अन्तर्राष्ट्रिय मञ्चहरू र द्विपक्षीय बैठकहरूमा निरन्तर पहल गर्दै आएको छ। नेपाल सरकारले इजरायलसँग सहकार्य गर्दै रिहाइका लागि कूटनीतिक प्रयासलाई प्राथमिकतामा राखिरहेको छ।
