मोरङ – मोरङको रतुवामाई नगरपालिका, मिर्चा डाँगी टोलमा करेन्ट लागेर ७० वर्षीया रामुदेवी गनगाईं र ७३ वर्षीया सूर्यदेवी गनगाईंको घटनास्थलमै मृत्यु भएको छ।
घटना वैशाख ३० गते राति करिब ८ बजे भएको थियो। विवाह घरमा नाचगान भइरहेको बेला बाँसको पोल ढलेर हाइटेन्सन लाइनमा ठोक्किएको थियो, जसका कारण तीन जनालाई करेन्ट लागेको थियो। यस घटनामा ३० वर्षीया राधाकुमारी सिंह सामान्य घाइते भएकी छन् र उपचार भइरहेको छ।
प्रहरी नायव उपरीक्षक बेदप्रकाश जोशीले घटनाबारे जानकारी दिएका छन् र घटनापछि प्रहरीले अनुसन्धान जारी राखेको छ। प्रारम्भिक अनुसन्धानअनुसार, यस घटनामा करेन्ट लागेर दुई महिलाको मृत्यु हुनु दुर्घटनाजन्य कारण हो भन्ने प्रहरीको अनुमान छ।
