19.1 C
Kathmandu
Friday, March 29, 2024
spot_img

वीरेन्द्रनगरको एकीकृत प्रशासनिक भवन

वीरेन्द्रनगर नगरपालिकाबाट प्रवाह हुने सेवालाई थप व्यवस्थित बनाउन एकीकृत प्रशासनिक भवनको शिलान्यास गरिएको छ । नगर कार्यपालिका कार्यालय भवनको सोमबार कर्णाली प्रदेशसभा सदस्य यामलाल कँडेल, नगरप्रमुख मोहनमाया ढकाल र निवर्तमान नगरप्रमुख देवकुमार सुवेदीले संयुक्तरूपमा शुभारम्भ गर्नुभयो ।

रु १० करोड ७१ लाख लागत अनुमान गरिएको पाँचतले भवन लिफ्ट सुविधासहितको हुनेछ । सो अवसरमा नगरप्रमुख ढकालले संविधानले स्थानीय तहलाई सेवा–प्रवाह गर्ने निकायका रूपमा परिभाषित गरेको बताउनुभयो । सेवाग्राहीको बढ्दो चापका कारण हाल सञ्चालनमा रहेको भवनबाट सेवा प्रवाहमा असहजता सिर्जना भएकाले नयाँ भवन निर्माण थालिएको उहाँको भनाइ छ ।

“संविधानमा प्रदत्त नागरिकको मौलिक हकको रक्षा गर्दै नागरिकसँग जोडिएर काम गर्नु स्थानीय तहको दायित्व हो”, नगरप्रमुख ढकालले भन्नुभयो, “गुणस्तरीय सेवा प्रवाहमा विस्तार गर्नकै लागि सुविधासम्पन्न एकीकृत प्रशासनिक भवनको निर्माण गर्न लागेका हौँ ।”

निवर्तमान नगरप्रमुख सुवेदीले प्रशासनिक भवन समयमै गुणस्तरीय बन्ने विश्वास व्यक्त गर्नुभयो । प्रदेशसभा सदस्य कँडेलले चुनावमा फरक खालका प्रतिबद्धता भए पनि नगरको विकासका लागि ती सबै साझा प्रतिबद्धता भएको बताउनुभयो । सत्ताइस महिनामा सम्पन्न गरिसक्ने गरी नेपाल पब्लिक शर्मिला जेभीले निर्माणको जिम्मा लिएको छ । हालको नगरपालिका कार्यालयको पूर्वी क्षेत्रको खाली जग्गामा भवन बन्नेछ ।

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
21,600SubscribersSubscribe
- Advertisement -spot_img

Latest Articles