२ पुस, काठमाडौं । एसीसी यू-१९ महिला एसिया कप अन्तर्गत नेपालले आज भारतसँग आफ्नो दोस्रो खेल खेल्दैछ। खेल बिहान ११:४५ बजे बायुमास ओभलमा सुरु हुनेछ।
पहिलो खेलमा नेपालले पाकिस्तानलाई पराजित गर्दै सुपर फोरमा स्थान सुरक्षित गरिसकेको छ। टोलीको आत्मविश्वास उच्च छ। त्यस्तै, भारतले पनि पाकिस्तानलाई सहजै हराएको थियो।
नेपालले पछिल्लो समय आईसीसी यू-१९ महिला टी-२० एसिया छनोटको उपाधि जित्दै लगातार उत्कृष्ट प्रदर्शन गरिरहेको छ। आजको खेल टोलीका लागि महत्वपूर्ण हुनेछ। जितसँगै नेपालले अर्को इतिहास रच्ने अवसर पाउनेछ। खेलप्रेमीहरूलाई टिमको शानदार प्रदर्शनको अपेक्षा छ।
