काठमाडौं । युरोपेली नेसन्स कप फुटबलको आइतबार राति भएको खेलमा फ्रान्सले इटालीलाई ३–१ ले हराएको छ। यो जितसँगै फ्रान्स समूहमा पहिलो बनेको छ। समीकरण अनुसार एक गोलको अन्तरले हारेको भए इटाली पहिलो हुने थियो। दोस्रो मिनेटमा नै मार्सेलीका मिडफिल्डर लुकास डिग्नेको कर्नर क्रस बारमा लागेर फर्केपछि रबटले हेड गर्दै गोल गरेका थिए।
३३ औं मिनेटमा इटालीका भिकारियोले आत्मघाती गोल गरे। इटालीका आन्द्रो काम्बासियोको गोलले इटालीको आशा फर्किएको थियो। ६५ औँ मिनेटमा डिग्नेकै फ्रिकिकमा रबटले हेड गोल गरेका थिए।
सन् १९८३ मा स्विडेनसँग ३–० ले हारे यता इटालीको यो घरेलु भूमिमा सबै भन्दा खराब हार हो। प्रशिक्षक डिडियर डेसक्याम्पले रियल म्याड्रिडका स्टार केलिएन एम्बाप्पेलाई टोलीमा राखेका थिएनन्। सोही समूहको अर्को खेलमा इजरायलले बेल्जियमलाई १० ले हरायो।
