काठमाडौँ- काठमाडौँ उपत्यकामा चिसो बढ्दै गएको छ। मौसम विभागका अनुसार न्यूनतम तापक्रम ५ डिग्री सेन्टिग्रेडसम्म झरेको छ। यो वर्षको सबैभन्दा कम तापक्रम भएको अनुमान छ।
चिसोबाट विशेषगरी बच्चा, वृद्धवृद्धा र दीर्घरोगीहरू बढी प्रभावित हुने भएकाले न्यानो लुगा लगाउन र घरभित्रै बस्न स्थानीय प्रशासनले सर्वसाधारणलाई सतर्कता अपनाउन आग्रह गरेको छ।
मौसमविद्हरूका अनुसार पश्चिमी वायुको प्रभावले तापक्रम घटेको हो। चिसो थप दिनसम्म कायम रहने सम्भावना भएकाले बिहान र रातिको समयमा विशेष सावधानी अपनाउन सुझाव दिइएको छ।
