काठमाडौं — नेपाल स्टक एक्स्चेन्ज (नेप्से) ले मार्जिन कारोबारका लागि योग्य १२३ कम्पनीहरूको सूची सार्वजनिक गरेको छ। यी कम्पनीहरूको सेयरमा मात्र ब्रोकर कम्पनीहरूले मार्जिन लेन्डिङको सुविधा प्रदान गर्नेछन्। योग्य कम्पनीमा १९ वाणिज्य बैंक, ११ विकास बैंक, ११ फाइनान्स, १७ माइक्रोफाइनान्स, १२ जीवन बीमा, ११ निर्जीवन बीमा, १ व्यापार कम्पनी, ६ लगानी समूहका कम्पनी, २८ हाइड्रोपावर कम्पनी, २ उत्पादन तथा प्रशोधन कम्पनी, ३ होटल र २ अन्य समूहका कम्पनी छन्।
मार्जिन कारोबारको लागि कम्पनीहरूले केहि मापदण्ड पूरा गर्नुपर्नेछ: कम्तीमा २५ लाख कित्ता सेयर सर्वसाधारणमा जारी भई नेप्सेमा सूचीकरण भएको, नेटवर्थ चुक्ता पुँजी बराबर वा सोभन्दा बढी भएको, पछिल्लो तीन वर्षमा कम्तीमा दुई वर्ष खुद नाफा भएको र IPO पश्चात सूचीकरण भएको कम्तीमा दुई वर्ष पूरा भएको। लगानीकर्ताले मार्जिन कारोबार सुविधा पाउनका लागि आफ्नो ब्रोकरसँग मार्जिन खाता खोल्न आवेदन दिनुपर्नेछ। हालै नेप्सेले मार्जिन कार्यप्रक्रिया लागू गरेको छ।
