काठमाडौं, काभा महिला भलिबल च्यालेन्ज कप अन्तर्गत समूह चरणको अन्तिम खेलमा नेपाल भारतसँग पराजित भएको छ । यसअघि लागतार दुई खेल जितेर सेमिफाइनल पुगेको नेपाल भारतसँग भने पराजित भएको हो ।
आज दिउँसो ३ बजेबाट त्रिपुरेश्वरको कभर्डहलमा भएको खेलमा पहिलो दुई सेट पराजित भएपनि तेस्रो सेट नेपालले जितेको थियो । तर, अन्तिम सेटमा समेत पराजित भएपछि समग्र ३–१ सेटले नेपाल पराजित बनेको हो ।
हालसम्म नेपालले भारलाई हराउन सकेको छैन ।
सन् २०१९ मा घरेलु मैदानमै सम्पन्न भएको १३औं दक्षिण एसियाली खेलकुद साग को फाइनलमा समेत नेपाल भारतसँग पराजित बनेको थियो ।
प्रतियोगिताको समूह ‘ए’मा रहेको नेपाल भारतसँग पराजित भएपनि सेमिफाइनल पुगिसकेको छ ।
