काठमाडौं । पछिल्लो २४ घण्टामा देशभरमध्ये सबैभन्दा बढी वर्षा काभ्रेपलाञ्चोक जिल्लामा मापन गरिएको छ। रोसी मौसम मापन केन्द्रका अनुसार उक्त क्षेत्रमा ३३ मिलिमिटर वर्षा भएको छ। यस अवधिमा कोशी, बागमती र मधेश प्रदेशका धेरै स्थानमा मध्यम वर्षा भएको छ भने गण्डकी र लुम्बिनी प्रदेशका थोरै स्थानमा हल्का वर्षा भएको मौसम पूर्वानुमान महाशाखाले जनाएको छ।
महाशाखाका अनुसार पश्चिमी वायु र बङ्गालको खाडीमा विकसित चक्रवात ‘अर्नब’ को प्रभावका कारण आज देशका सातै प्रदेशमा भारी वर्षा हुने सम्भावना रहेको छ। मौसममा आएको परिवर्तनलाई ध्यानमा राख्दै आवश्यक सतर्कता अपनाउनसमेत आग्रह गरिएको छ।
