काठमाडौं । नेपाली बजारमा आइतबार सुन र चाँदी दुवैको मूल्य बढेको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ६ सय रुपैयाँले बढेर २ लाख ८७ हजार ३ सय रुपैयाँ कायम भएको छ, जुन अघिल्लो कारोबार दिन २ लाख ८६ हजार ७ सय रुपैयाँ थियो। यद्यपि, गत आइतबारको तुलनामा सुनको मूल्य अझै ५ हजार ९ सय रुपैयाँले कम छ, त्यसबेला प्रतितोला २ लाख ९३ हजार २ सय रुपैयाँ पुगेको थियो। त्यसैगरी, चाँदीको मूल्य पनि प्रतितोला ५० रुपैयाँले वृद्धि भई ४ हजार ६ सय ९० रुपैयाँ कायम भएको छ। अघिल्लो दिन चाँदी प्रतितोला ४ हजार ६ सय ४० रुपैयाँमा कारोबार भएको थियो भने गत आइतबार यसको मूल्य ४ हजार ८ सय ९५ रुपैयाँ रहेको थियो।
