अविरल वर्षासँगै ललितपुरको बागमती गाउँपालिका–३ स्थित काल्चेमाल्टामा पहिरो खसेपछि कान्ति लोकपथ पूर्ण रूपमा अवरुद्ध भएको छ। उपत्यका ट्राफिक प्रहरी कार्यालयका एसपी नरेश सुवेदीका अनुसार भट्टेडाँडाबाट करिब ५ किलोमिटर अगाडि मकवानपुरतर्फ पर्ने उक्त स्थानमा पहिरो खसेर सडक बन्द भएको हो। पहिरो पन्छाएर सडक सञ्चालनमा ल्याउन स्थानीय निकाय र सडक विभागसँग समन्वय भइरहेको प्रहरीले जनाएको छ।
