काठमाडौँ । काठमाडौंको चन्द्रागिरि नगरपालिका–९, मच्छेगाउँबाट घरेलु मदिरा उत्पादन तथा बिक्री गरेको आरोपमा प्रहरीले दुईजनालाई पक्राउ गरेको छ। पक्राउ पर्नेमा मोरङको पथरी शनिश्चरे नगरपालिका–४ घर भई मच्छेगाउँ बस्दै आएका मदन तामाङ र सोही ठाउँका २३ वर्षीय समीर तामाङ रहेका छन्।प्रहरी वृत्त थानकोट र आन्तरिक राजस्व कार्यालय कलंकीबाट खटिएको संयुक्त टोलीले मच्छेगाउँस्थित एक टहरोमा छापा मार्दा बिक्रीका लागि राखिएको ६५० लिटर घरेलु मदिरा बरामद गरेको हो। टोलीले घरेलु मदिरा बनाउन प्रयोग गरिने करिब ४ हजार लिटर कच्चा झोल पदार्थ तथा मदिरा उत्पादनमा प्रयोग हुने विभिन्न भाँडाकुँडा समेत बरामद गरेको छ।सोमबार साँझ पक्राउ परेका दुवैजनामाथि आन्तरिक राजस्व कार्यालय कलंकीले थप अनुसन्धान गरिरहेको प्रहरीले जनाएको छ।
