काठमाडौं । काठमाडौँमा आज शनिबार गोलभेडा, आलु, गाजर, करेला, परवरदेखि हरियो सागसम्मको मूल्य बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसारक आज लोकल सानो गोलभेडाको भाउ बढेर प्रतिकेजी ११० रुपैयाँ पुगेको छ भने टनेल गोलभेडा १३० रुपैयाँ पुगेको छ ।
त्यस्तै, रातो आलुको भाउ प्रतिकेजी ८७ रुपैयाँ ६७ पैसा, रायो र पालूगो साग ११० रुपैयाँ, चमसूरो साग २२६ रुपैयाँ ६७ पैसा, लोकल गाजर ११० रुपैयाँ, तराई गाजर ९० रुपैयाँ पुगेको छ ।
त्यस्तै, घिउ सिमी प्रतिकेजी ७० रुपैयाँ, भटमासकोशा ९५ रुपैयाँ, तितो करेला ७५ रुपैयाँ, लोकल परवर ६५ रुपैयाँ, चिचिण्डो ३५ रुपैयाँ, ब्रोकाउली १२२ रुपैयाँ ५० पैसा र कन्य च्याउ १३० रुपैयाँ पुगेको छ ।
