काठमाडौं । साताको दोस्रो कारोबार दिन अर्थात् सोमबार नेप्से परिसूचक बढेर बन्द भएको छ । सोमबार नेप्से परिसूचक १५.८३ अंक बढेर २६८३.२४ विन्दुमा पुगेको छ । त्यस्तै, आज सेन्सेटिभ इण्डेक्स १.८६ अंक बढेको छ भने फ्लोट इण्डेक्स ०.९४ अंक र सेन्सेटिभ फ्लोट इण्डेक्स ०.५९ अंक बढेको हो ।
नेप्से बढे पनि आज कारोबार रकम भने घटेको छ। अघिल्लो कारोबार दिन ७ अर्ब ७२ करोडको शेयर खरिदबिक्री भएकोमा आज भने ३०९ स्टकको ६५ हजार ८२४ पटकको कारोबारमा ६ अर्ब ३४ करोड ५८ लाख ९ हजार रुपैयाँ बराबरको १ करोड २२ लाख ६३ हजार कित्ता सेयर खरिदबिक्री भएको छ।
