काठमाडौँको असन क्षेत्रमा हरेक शनिवार “भेहिकल फ्री असन” कार्यक्रम सञ्चालन गरिने भएको छ। वैशाख ५ गतेदेखि सुरु हुने यस कार्यक्रममा असनसम्म जाने सवारी साधन रोकिँदै, गन्तव्यका लागि वैकल्पिक मार्ग प्रदान गरिनेछ। कार्यक्रमको उद्देश्य असनको मौलिकता, सांस्कृतिक महत्व, स्थानीय परम्परागत व्यापार प्रवर्द्धन र वायु प्रदूषण नियन्त्रण गर्नु हो। यसमा वडा कार्यालय, स्थानीय सङ्घ–संस्था, क्लब, समुदाय र महानगर प्रहरी बलको सक्रिय सहभागिता रहनेछ। सुनिता डङ्गोलले असनको प्राचीन महत्व जोगाउनु हाम्रो दायित्व भएको उल्लेख गरेकी छन् भने वडाध्यक्ष योगेशकुमार खड्गीले कार्यक्रमले सहरी वातावरण सुधारमा योगदान गर्ने बताए।
