काठमाडौँ । राष्ट्रपति रामचन्द्र पौडेलसमक्ष राष्ट्रिय प्राकृतिक स्रोत तथा वित्त आयोगले आर्थिक वर्ष २०८२/०८३ को वार्षिक प्रतिवेदन पेस गरेको छ।राष्ट्रपति भवन शीतल निवासमा बुधबार आयोजित कार्यक्रममा आयोगका कार्यवाहक अध्यक्ष विपिनराज निरौलाले उक्त प्रतिवेदन राष्ट्रपति पौडेलसमक्ष पेस गरेका हुन्। नेपालको संविधानको धारा २५४ बमोजिम आयोगले प्रत्येक वर्ष आफ्नो वार्षिक प्रतिवेदन राष्ट्रपतिसमक्ष पेस गर्नुपर्ने संवैधानिक व्यवस्था छ।कार्यक्रममा कार्यवाहक अध्यक्ष निरौलाले आयोगले प्राकृतिक स्रोतको बाँडफाँड तथा वित्तीय हस्तान्तरणलाई पारदर्शी र न्यायोचित बनाउन निरन्तर काम गरिरहेको बताए। उनले प्रतिवेदनमा संघ, प्रदेश र स्थानीय तहबीचको वित्तीय अन्तरसम्बन्धलाई थप सुदृढ बनाउने विषय समावेश गरिएको जानकारी दिए।उक्त अवसरमा राष्ट्रपति कार्यालयका वरिष्ठ अधिकारी तथा राष्ट्रिय प्राकृतिक स्रोत तथा वित्त आयोगका प्रतिनिधिहरूको उपस्थिति रहेको थियो।
