काठमाडौँ — अर्थमन्त्री स्वर्णिम वाग्लेले नेपाललाई ‘ग्रे लिस्ट’बाट बाहिर निकाल्नु सरकारको पहिलो प्राथमिकता भएको बताएका छन्। उनले भने, यो कदमले अन्तर्राष्ट्रिय प्रतिष्ठा सुधार्ने र लगानी वातावरणमा सकारात्मक प्रभाव पार्नेछ।
अर्थमन्त्री वाग्लेले वित्तीय अपराध र सम्पत्ति शुद्धीकरण सम्बन्धी मुद्दाहरू वर्षौंदेखि भएका अनुसन्धान र प्रमाणका आधारमा अघि बढाइने स्पष्ट पारे। उद्योग व्यवसायीले ठूलो वित्तीय अपराध गरेमा ठूलो जरिवाना मात्र हुने र कुनै संस्था वा व्यक्तिलाई लक्षित गरेर पीडा दिने नीति नभएको पनि उनले बताए।
उनका अनुसार सरकार खुला बजार अर्थनीति अपनाएको छ, जसले निजी क्षेत्रलाई धरपकड नगरी कानुन अनुसार कारबाही सुनिश्चित गर्नेछ। अन्य अपराधमा न्याय प्रक्रिया अदालतमार्फतै अघि बढ्नेछ।
