नेपाली बजारमा आज (शुक्रबार) सुन तथा चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार रुपैयाँले घटेको हो।
महासंघले सार्वजनिक गरेको नयाँ मूल्यसूची अनुसार छापावाल सुनको मूल्य आज प्रतितोला २ लाख ९९ हजार ८०० रुपैयाँ कायम भएको छ। अघिल्लो दिन यही सुन प्रतितोला ३ लाख २ हजार ८०० रुपैयाँमा कारोबार भएको थियो। त्यसैगरी, १० ग्राम सुनको मूल्य पनि घटेर आज २ लाख ५७ हजार ३० रुपैयाँ पुगेको छ, जुन हिजो २ लाख ५९ हजार ६०० रुपैयाँ थियो।
सुनसँगै चाँदीको मूल्यमा पनि कमी आएको छ। आज चाँदी प्रतितोला १२० रुपैयाँले घटेर ५ हजार १३० रुपैयाँमा कारोबार भइरहेको महासंघले जनाएको छ। बिहीबार भने चाँदी प्रतितोला ५ हजार २५० रुपैयाँमा कारोबार भएको थियो। यस्तै, १० ग्राम चाँदीको मूल्य आज ४ हजार ३९८ रुपैयाँ निर्धारण गरिएको छ।
अन्तर्राष्ट्रिय बजारमा हुने मूल्य उतारचढावका आधारमा नेपाल सुनचाँदी व्यवसायी महासंघले स्थानीय बजारका लागि दैनिक रूपमा सुन तथा चाँदीको मूल्य निर्धारण गर्दै आएको छ।
