भोजपुर — श्रम संस्कृति पार्टीका उम्मेदवार ध्रुवराज राई प्रतिनिधि सभा सदस्यमा निर्वाचित हुनुभएको छ। उहाँले नेपाल कम्युनिस्ट पार्टी (एमाले) का उम्मेदवार शेरधन राईलाई १,९१३ मतको अन्तरले पराजित गर्नुभयो।
ध्रुवराज राईले जिल्लाका साझा समस्या समाधानलाई प्राथमिकता रहेको बताउँदै, शिक्षा, स्वास्थ्य, खानेपानी, सडक र पुल जस्ता पूर्वाधार सुधारमा केन्द्रित हुने योजना व्यक्त गर्नुभयो। उहाँले टेम्केमैयुङ गाउँपालिकाका अध्यक्ष (२०७४–२०७९) भएर प्राप्त अनुभवको आधारमा संघीय संरचनासँग समन्वय गरी विकास गर्ने प्रतिबद्धता व्यक्त गर्नुभयो।
सांसद राईले भन्नुभयो, “जनता सबैको साझा र सर्वश्रेष्ठ हुन्। मैले समग्र जिल्लावासीका लागि काम गर्न प्रतिबद्ध छु। युवा रोजगार, उद्यमशीलता र लगानी प्रवर्धनमा विशेष ध्यान दिने योजना छ।”
उहाँले प्रविधिमैत्री शासन र श्रमदानलाई देशको आत्मनिर्भरता निर्माणको मुख्य उपाय ठानेर शनिबार नियमित श्रमदान कार्यक्रमलाई अझ व्यापक बनाउने योजना रहेको बताउनुभयो। नयाँ, शिक्षित र युवा सांसदहरूको उपस्थितिपछि देशमा सकारात्मक परिवर्तन आउनेमा उहाँ आशावादी हुनुहुन्छ।
